Ledig stilling:

Rektor på Lidar skule

Søknadsfrist: 04.02.2024

Publisert Sist oppdatert

Rektor på Lidar skule

Øystre Slidre kommune

Rektoren vår ved Lidar skule vel dessverre å flytte på seg, og vi lyser derfor ut stillinga. Lidar skule er ein barneskule med om lag 100 elevar. Skulen ligg nord i Øystre Slidre, med Beitostølen som ein del av skulekrinsen. På skulen er det om lag 25 tilsette med brei kompetanse. Dei tilsette jobbar godt i lag for å løyse skulen sitt oppdrag. Blant dei 25 har vi lærarar med ulik fagkrins, miljørettleierar og barne- og ungdomsarbeidarar. Elevane sine behov, både som gruppe og enkeltvis, står i sentrum i arbeidet og satsingsområda til skulen. Det er ein kultur prega av fellesskap og eit ynskje om å gjere kvarandre gode. Det er ein inspektør og to teamleierar ved skulen, som er gode støttespelarar i dagleg drift og utviklingsarbeid. Skulen har eit godt samarbeid med Høgskulen Innlandet for støtte og kompetanseheving i kollegiet.

Fakta om stillinga:

Søknadsfrist: 24.02.2024
Arbeidsgivar: Øystre Slidre kommune
Stad: Heggenes
Stillingstittel: Rektor på Lidar skule
Heiltid / Deltid: Heiltid
Tilsetjingsform: Fast

Lidar skule var ny i 2011. Skulebygget, samt eit stort og variert uteområde, innbyr til aktivitet og varierte undervisningsmetodar. Dette gjev gode rammer for skulekvardagen til elevane våre året rundt. Vi har uteskule for alle trinn. 

Arbeidsoppgåver

Som rektor er det forventa at du er ein tydeleg leiar som formulerer mål og forventningar ut i frå din kjennskap til skulen, og at du leier skulen i stø kurs. Du har eit totalansvar for drifta av skulen, med opplæringslova og skulen sitt samfunnsoppdrag som ei tydeleg rettesnor. Skulen har god tradisjon for utviklingsarbeid, og i samarbeid med Høgskulen i Innlandet og dei andre skulane i Valdres blir det no arbeidd med fagfornyinga og inkludering. Som rektor leiar du utviklingsarbeidet på skulen. 

Grunnskulane i Øystre Slidre kommune er organiserte som sjølvstendige einingar med økonomi- og personalansvar. Stabsavdelinga og økonomiavdelinga bistår rektorane på områda løn, personalsaker, økonomi og skuleskyss.Som rektor samarbeider du med dei to andre rektorane i kommunen for å saman sørge for ei god skule for alle barn og unge i Øystre Slidre. Du er også med i det regionale samarbeidet mellom skulane i Valdres.

Rektor ved Lidar skule har ansvar for skuleavdelinga ved Beitostølen Helsesportsenter. Der er det bemanning med 200 % lærarstilling og 80% assistentstilling. 

Bitihorn

Kvalifikasjonar

  • Må ha pedagogisk kompetanse etter opplæringslova § 9-1
  • Det er ynskje om leirarerfaring, gjennomført rektorutdanning og lærarutdanning
  • Personleg eignaheit vil bli vektlagd
  • Ved tilsetting må du levere politiattest etter opplæringslova § 10-9

Personlege eigenskapar

Vi ynskjer ein engasjert og tydeleg leiar, som vil arbeide for å bringe skulen vidare i godt samarbeid med kollegiet. Vi ynskjer derfor ein rektor som:

  •  Har ein leiarstil prega av openheit, involvering og gjennomføringsevne
  •  Har overblikk, opprettheld fellesskapet og ein felles kurs for skulen
  •  Er tett på i skulekvardagen og er engasjert i skulen som ein del av nærmiljøet
  •  Har god pedagogisk teft, er kunnskapsrik samstundes som du har evne til å lytte og sjå styrkane i ditt eige personale
  •  Er god i møte med elevar, føresette og tilsette
  •  Er profesjonell, robust og trygg
  •  Er engasjert og løysingsorientert 
  •  Har god kommunikasjonsevne både munnleg og skriftleg. Nynorsk er skriftspråket i kommunen, og vi ønskjer at søkjarane kan beherske både bokmål og nynorsk 
  •  Har gode samarbeidsevner
  •  Har elevens beste i fokus
Synshorn

Vi tilbyr

  • Spennande jobb i eit fagmiljø med høg kompetanse
  •  Leiarnettverk
  •  Løn etter avtale
  •  Gode pensjons- og forsikringsordningar
  •  Kommunen har reglement for flyttegodtgjersle
  •  Tilbod om rektorutdanning
  •  Eit godt arbeidsmiljø med framoverlente kolleger

Adresse: Bygdinvegen 1989, 2940 HEGGENES

Kontaktinformasjon

Kjersti Hedalen
Kommunalsjef 
Telefon: 91 72 35 53

Søknadsfrist: 4. februar 2024

Søk på stillinga her

Arbeidsgiver: Øystre Slidre kommune

Nasjonalparkkommunen Øystre Slidre ligg ved inngangsporten til Jotunheimen, med Beitostølen som et naturleg utgangspunkt. Vegen er kort til toppturar både sommar og vinter. 

Friluftsliv, jakt, fiske og stølsliv er viktig i kommunen. Du finn mellom anna deler av Langsua nasjonalpark, eit stort turløypenett og milevis med skiløyper i heile kommunen. På Valdresflye varar skisesongen lenge. Velkommen til rein naturglede!

Reiseliv og jordbruk er blant dei største næringane, og det finst spanande arbeidsplassar innan fleire bransjar.
Øystre Slidre har dei siste åra hatt vekst i folketallet.

Øystre Slidre kommune skal tilby gode tenester til innbyggarar og tilreisande i alle aldersgrupper. Nytt og moderne helsetun stod ferdig i 2021. Eit rikt kulturtilbod, eit godt tilbod til barn og unge og ein unik dugnadsånd er med på å gjere kommunen til ein attraktivt stad å bu. 

Gode handelstilbod finn ein både i kommunen og rundt regionsenteret Fagernes.

Vil du vite meir om Valdres? Vi har unik natur, kultur og er ein attraktiv region, sentralt i Norge. Les meir på valdres.no.

rektor stilling utdanningsnyttstillinger